උණුසුම් පුවත්
Search
boris

යුක්රේන වැසියන් බොරිස් ජෝන්සන්ව ඉල්ලයි

96

බ්‍රිතාන්‍ය ‘කොන්සවර්ටිව්’ පක්ෂ නායකත්වයෙන් ඉවත් වී අග්‍රාමාත්‍ය ධුරයෙන් සමුගන්නා බොරීස් ජොන්සන්ට යුක්රේනයේ පුරවැසිභාවය ලබා දෙමින්, ඔහුට යුක්රේනයේ අග්‍රාමාත්‍ය ධුරය පිරිනැමීමට යුක්රේන වැසියන් කැමැත්ත පළ කර තිබේ.

මේ වන විට යුක්රේන වැසියන් බොරිස් ජොන්සන් ඉල්ලමින් පෙත්සමකට අත්සන් තබන බව ද වාර්තා වේ.

පෙරේදා (27) වනවිට ඊට අත්සන් 2,500කට වඩා ලැබී තිබුණු බව විදෙස් මාධ්‍ය වාර්තා කර සිටියා.

බොරිස් ජොන්සන් යුක්රේන වැසියන්ගේ ආදරයටත් ගෞරවයටත් පාත්‍ර වූ චරිතයකි.

බ්‍රිතාන්‍ය අග්‍රාමාත්‍යවරයා ලෙස යුක්රේන රජයට මූල්‍ය ආධාර ලබා දීමටත්, යුක්රේන හමුදාවට අවි ආයුධ සහ පුහුණුව ලබා දීමටත් කටයුතු කළේ ජොන්සන්ය.

යුක්රේන ජනාධිපති ව්ලොදිමීර් සෙලෙන්ස්කීට සහාය පළ කරමින් ජොන්සන් අවස්ථා 02ක දී යුක්රේනයට පැමිණ යුක්රේන වැසියන්ගේ සුවදුක් විමසා බලා තිබේ.

යුක්රේන ජනාධිපති ව්ලොදිමීර් සෙලෙන්ස්කී සහ බොරිස් ජොන්සන් අතරේ පවතින්නේ ද සමීප මිත්‍රත්වයකි.

බ්‍රිතාන්‍යයේ අග්‍රාමාත්‍ය ධුරය හිමිවන්නේ පාලක පක්ෂයේ නායකයාටය.

වත්මන් පාලක පක්ෂය වන්නේ “කොන්සවර්ටිව්’ පක්ෂයයි.

ජොන්සන්ට පක්ෂ නායකත්වය අහිමි වූයේ ඔහු පක්ෂ නියෝජිතයන්ගේ සහ ‘කොන්සවර්ටිව්’ පක්ෂ මන්ත්‍රීවරුන්ගෙත් අප්‍රසාදයට පත්වුණු බැවිනි.




Leave a Reply

Your email address will not be published.