පසුගිය දා ශ්රී ලංකාවටද පැමිණ ගිය ඉරාන ජනපති ඊබ්රහම් රයිසි සහ විදේශ ඇමති හුසේන් අමීර් අබ්දෙල්ලහා ඇතුළු පිරිස හෙලිකොප්ටර අනතුරින් මිය ගොස් ඇතැයි විදෙස් මාධ්ය තහවුරු කිරීමෙන් පසු ඉරාන රෙඩ් ක්රෙසන්ට් විසින් නිකුත් කරන ලද දර්ශන වල දැක්වෙන්නේ ගලවා ගැනීමේ කණ්ඩායම් හෙලිකොප්ටර් අනතුරට ලක් වූ ප්රදේශයෙන් සිරුරු ගොඩ ගන්නා ආකාරයයි.
වේල්ලක් විවෘත කිරීමේ රාජකාරී කටයුත්තක් සඳහා ඉරාන විදේශ අමාත්ය හොසේන් අමිරබ්දොල්ලාහියන් ද රැගත් හෙලිකොප්ටරයෙන් ගමන් ගනිද්දී අයහපත් කාලගුණ තත්වය මැද අන්තරායකාරී ගොඩබෑමකට ගිය බව එරට රාජ්ය මාධ්ය වාර්තා කර තිබුණි.
ඇතැම් සිරුරු පිළිස්සී ඇති බැවින් සිරුරු හඳුනාගැනීම දුෂ්කර වූ බව හමුදා නිලධාරියෙක් පවසා ඇත.
ඉරානයේ උතුරු ප්රදේශයේ පවතින අධික මීදුම හේතුවෙන් යානය කඩා වැටී ඇති බව ඉරාන බලධාරීහු පවසති.
නිකුත්ව ඇති ඡායාරූප කිහිපයක් පහතින්.
