උණුසුම් පුවත්
Search
abhilasha

”මගේ හීනය වෘත්තියෙන් මනෝවෛද්‍යවරියක් වෙන එක” – තරුණයින් වශී කළ අභිලාෂි සංතුෂ්කි

322

මේ දිනවල තිරගත වන සිංහබාහු සිනමා සිත්තමේ සුප්පා දේවියගේ චරිතය ජීවමාන කරන්නෙ ඇය. එවැනි දැවැන්ත චරිතයක් භාරගනිද්දි ඇයට යන්තම් වයස 17යි. මේ හපන්කම කළ ඇය අභිලාෂි සංතුෂ්කි. ඉතින් ඒ එක්කම වගේ මේ දිනවල බොහෝ දෙනාගේ අවදානය දිනාගත් මාධවී ඇන්තනීගේ විවාහ මංගල්‍යයේ දෙවන මනමාලියක ලෙස ද ඇය සිටිනවා….

අභිලාෂි, ඔබ රංගනයට එන්නෙ අහම්බයකින්ද?

ඔව්, ඒක අහම්බයක් කියල කියන්නත් පුළුවන්. මොකද පොඩි කාලෙ ඉඳන් මම මේ වගේ කෙනෙක් වෙනව කියන හීනයක් මට තිබුණෙ නැහැ. ඩොක්ටර් කෙනෙක් දැක්කොත් මට හිතෙනව ඩොක්ටර් කෙනෙක් වෙන්න. ලෝයර් කෙනෙක් දැක්කොත් හිතෙනව ලෝයර් කෙනෙක් වෙන්න. මම මුලින්ම හැදෑරුවේ නර්තනය….. පසුව හැම අවුරුද්දකම පාසලේ පැවැත්වෙන නාට්‍ය තරග වලට සහභාගි වෙනකොට මට ආසාවක් ඇති වෙනව විෂයයක් විදිහට නාට්‍ය කලාව හදාරන්න. එතැනදි මම නර්තනය අතහැරල නාට්‍ය තෝරාගන්නව. එතැනින් පස්සෙ අරමුණක් ඇති වෙනව මම කවදා හරි රංගන ශිල්පිනියක් වෙනව කියල. මගේ ඇගේත් එහෙම දෙයක් තියෙනව කියල මට දැනෙන්න පටන් ගත්තා. එදා ඉඳන් මගේ හැකියාවන් වර්ධනය කරගන්න උපරිමයෙන් කැප වුණා. 10ශ්‍රේණියේදී ඇති වුණ ඒ සිතිවිල්ල අද සැබෑවක් වෙලා තියෙනවා….

සෝමරත්න දිසානායක සිංහබාහු වෙනුවෙන් කොහොමද මේ තෝරාගැනීම කරන්නෙ?

මට මේ අවස්ථාව ලැබෙන්නෙ පාසලෙන් කිව්වොත් නිවැරදියි. අපේ පාසලේ පැවැත්වුණ තරගයකට අපිව පුරුදු පුහුණු කරන්න ආයතනයකින් කණ්ඩායමක් එනව. නලින්ද ප්‍රේමරත්න සහ බුද්ධි රන්දෙණිය යන මහත්වරුන් මේ කණ්ඩායමේ ඉන්නව. ඔවුන් හරහා සෝමරත්න මහත්මයා මාව හඳුනාගන්නවා. මෙතනදි බුද්ධි රන්දෙණිය මහත්මයාගේ ගෝලයෙක් විදිහට තමයි මාව හඳුන්වා දෙන්නෙ. ඔඩිෂන් එකෙන් පස්සෙ මාව තෝරා ගත්තා.

May be an image of 1 person, smiling and text that says '시 issAnane Miss Ananc 2023 Plutegeapher Hesara HemapaTnюpe 0775976524'

දැවැන්ත අධ්‍යක්‍ෂවරයකු යටතේ දැවැන්ත චරිතයකට නවක ඔබව තෝරා ගැනීම මොන වගේ හැඟීමක්ද?

මගේ කුඩා කාලය සිනමාවෙන් හැඩ කළ විශිෂ්ට චරිත දෙකක් තමයි සෝමරත්න දිසානායක මහත්මයා සහ රේණුකා බාලසූරිය මහත්මිය. මම පුංචි කාලෙ වැඩියෙන්ම කැමති රේණුකා මහත්මියගේ රූපයට, ඇයගේ ලස්සනට. ඇය අදටත් ඒ වගේමයි. මම වගේම ඔවුන් දෙපළට ආදරය කරන විශාල පිරිසක් මුළු ලෝකය පුරාම ඉන්නව. මේ අවස්ථාව ගැන කතා කළොත්, හදිසියේම තමයි අපේ අම්මට කෝල් එක එන්නෙ මාව එක්කගෙන ඔඩිෂන් එකට එන්න කියල. ඒ නිසා මට හරියට ඇඳුමක්වත් ඇඳගෙන යන්න වෙලාව තිබුණෙ නැහැ. ක්ලාස් ගිය ඇඳුමෙන්මයි ඔඩිෂන් එකට ගියේ. ඒ වෙලාවෙ මට හිතුණා, අනේ දැන්නම් යන්න බෑ කියලත්. නමුත් එතැනට ගියාට පස්සෙ දන්නෙ ඔවුන් හරිම ආදරණීයයි, හරිම මිත්‍රශීලියි, හරිම සුන්දර චරිත දෙකක් කියල. ඔඩිෂන් දෙකකට සහභාගිවෙලා තමයි මාව තෝරාගන්නෙ. ඇත්තටම ඔවුන් දෙදෙනා නිසයි අද මම මේ වගේ මාධ්‍ය ඉදිරියේ ඉන්නෙ. මේ ලැබෙන ප්‍රේක්‍ෂක ආදරය යන හැම දෙයක්ම ඔවුන්ට ස්තූතිවන්ත වෙන්නයි මට ලැබෙන්නෙ.

ඔබගේ පළමු වැනි රංගනයට එකතු වෙන්නෙ ක්‍ෂේත්‍රයේ ප්‍රවීණයන් රැසක් එක්ක. කොහොමද ඒ අත්දැකීම?

ඇත්තටම මට ලැබුණෙ ලංකාවේ නවක රංගන ශිල්පියකුට ලෙහෙසියෙන් ලැබෙන්නෙ නැති අවස්ථාවක් කියලයි මට හිතෙන්නෙ. ඒ වගේ මට ලැබුණ ගුරුහරුකම් දිහා බැලුවාම සිංහබාහු කියන්නෙ මට රංගන පාසලක්. මුලින්ම සෝමරත්න මහත්මයා මගෙන් ඇහුවා දන්නවද ඔයාට රඟපාන්න තියෙන්නෙ කවුරු එක්කද කියල. මම නෑ කිව්වාම එතුමා කිව්වා අඛිල ධනුද්ධරත් එක්ක කියල. මට ඒක ලොකු සතුටක්. ඒ වගේම ජැක්සන් ඇන්තනී මහත්මයා සිංහයාට රඟපානව කිව්වාම ඒ සතුට තවත් වැඩි වුණා. මොකද මම දැනගෙන හිටියා ඔහු ලංකාවේ විතරක් නෙමෙයි, ආසියාවෙම ඉන්න විශිෂ්ටතම රංගන ශිල්පියෙක් කියන එක. යශෝධා මහත්මියවත් විශේෂයෙන්ම මතක්කරන්න ඕන. මගේ රූපය ඇයගේ රුවට සමාන නිසා තමයි විශේෂයෙන්ම මට මේ අවස්ථාව ලැබෙන්නෙ. අද මට ප්‍රේක්‍ෂකයන්ගෙන් යම් ආදරයක් ලැබෙනව නම්, යම් කෙනෙක් මගේ රංගනය ගැන හොඳක් කියනව නම් ඒ ක්‍රෙඩිට් එක යන්නෙ ඕන සිංහබාහු පවුලට.

May be an image of 1 person and smiling

මෙහි නිරුවත් දර්ශන තිබෙන බවට ඇතැම් ප්‍රේක්‍ෂකයන් චෝදනා කරනව?

සුප්පා දේවිය නිරුවත් වීමෙන් පසුව ජල ක්‍රීඩාවේ යෙදෙන බවට ප්‍රේක්‍ෂකයන් දකිනව. නමුත් මේ චිත්‍රපටයේ කිසිම දර්ශනයක අභිලාෂි නිරුවත් වුණේ නැහැ වගේම මේ නිර්මාණය හරහා මට කිසිම හානියක් වුණේ නැහැ….. මාව සියයට සියයක් පරිස්සම් කරල තමයි මේ දර්ශන රූගත කළේ. වේශ නිරූපණ ශිල්පී විදුර අබේධීර අයිය තමයි මේ හපන්කම කළේ. අන්තිමේදි අවුරුදු දාහතේදී මට මවක් වෙන්නත් සිදු වුණා.

මෙහි එන දෙබස්වලට කොහොමද ඔබ හුරුවෙන්නෙ?

මේ චිත්‍රපටයේ තිබුණෙ කාව්‍යමය බස්වහරක්. ඒ වචන, ඒ රිද්මය ඇහෙනකොට හරිම ලස්සනයි. අපි නිකන්ම පිටපතක් අරගෙන ෂූටිං වලට ආවෙ නැහැ. මාසයකටත් වැඩි කාලයක් රිහර්සල් කළා. ජැක්සන් මහත්මයා අපි ඔක්කොම එකට තියාගෙන ගුරුහරුකම් දීලා තමයි අපිව හුරු කළේ. ඒක අපේ භාෂාව වුණා. අදටත් අපි අපි මුණගැහුනාම ඒ භාෂාවෙන් කතාකරනව. නමුත් ලෙහෙසි වුණේ නැහැ අපිට ඒක හසුරුවන්න.

May be an image of ‎1 person and ‎text that says '‎Mahen.lk D 16 PHOTOGRAPH B م FH‎'‎‎

අධ්‍යාපන කටයුතුත් එක්ක චිත්‍රපටයේ වැඩකටයුතු කළමනාකරණය කරගත්තෙ කොහොමද?

ඒ වන විට මට වයස අවුරුදු දහ හතයි. උසස් පෙළ කරන කාලෙ. මේ දේවල් කළමනාකරණය කරගන්න මගේ පවුලේ අයයි, පාසලේ අයයි තමයි ලොකුම හයියක් වුණේ. ඒ වගේම ෂූටිං කරද්දි මගේ අධ්‍යාපන කටයුතු වලට වෙන හානිය අවම කරන්නත් ඔවුන් කටයුතු කළා.

අනාගතයේ අභිලාෂි වෘත්තීයමය රංගන ශිල්පිනියක්ද?

නැහැ. මගේ බලාපොරොත්තුව වගේම හීනය වෙන්නෙ වෘත්තියෙන් මනෝවෛද්‍යවරියක් වෙන එක…..

ටෙලි නාට්‍යයට හෝ සිනමාවට ආරාධනා ලැබුණොත්?

මම කැමතියි සිනමා නිළියක් විදිහට ඉදිරියට යන්න. නමුත් ආයේ මෙහෙම එකක් එන්නෙ නෑ කියල හිතෙන තරම් විශිෂ්ට නිර්මාණ තියෙනව…. ඒ වගේ එකක් ලැබුණොත් ටෙලි නාට්‍යයක් වුණත් භාරගන්නව.

May be an image of 1 person and smiling

May be an image of 1 person

May be an image of 1 person and smiling

May be an image of 7 people, beard, people smiling and text that says 'න්නමක් M 4ABAHИ 4ABAHИ S14 S නිප්පාදනයක් Illusion Art ILLUSIONAR ART சாහමය வட SINHABAHU FILM PREMIERE fallowing aibumare aibu cure අංහබාය Contact 071 603 6136 076 656 ontact-071603613607665671 713 1れ巻 cop gh1 F PHOTOGRAPHY'

May be an image of 1 person and smiling

 

May be an image of 1 person and pool

මහේෂ් එදිරිසිංහ