උණුසුම් පුවත්
Search
yureni

”විවේචන ආවට මම මගේ විලාසිතා නතර කරන්නේ නෑ” – යුරේනි නොෂිකා

2722

ජනප්‍රිය නිරූපණ ශිල්පිනියක් ලෙසත්, රංගන ශිල්පිනියක් සහ නිවේදිකාවක් ලෙසත් යුරේනිව නොහඳුනන කෙනෙක් නැති තරම්. වරෙක ඇය ගායිකාවක්, තවත් අවස්ථාවක දක්ෂ නර්තන ශිල්පිනියක්. කොහොම නමුත් ඇගේ විලාසිතාවන් ගැන නිතර නිතර ප්‍රේක්ෂකයන්ගේ කතාබහට ලක්වෙනවා. සමාජ මාධ්‍ය තුළින් පවා ඇය ගැන බොහෝ දෙනෙක් කතාබහ කරනවා. අගය කිරීම් වගේම ඇයට විවේචන එල්ලවෙන අවස්ථාත් ඕනෑ තරම්. කොහොම නමුත් මේ දින වල නම් විදෙස්ගතව සිටින යුරේනි ඊට පෙර කළ සම්මුඛ සාකච්ඡාවක උපුටනයක් තමයි මේ…

යුරේනිගේ විලාසිතාවන් නිරුවත ඉස්මතු කරන විලාසිතා කියලත් පිරිසක් කියනවා…. කොහොම වුණත් විලාසිතාවන් නිසාම සරාගී රංගන ශිල්පිනියක් ලෙස බොහෝ දෙනෙක් යුරේනිව හඳුන්වනවා.

ඒ ගැන ඇය කියන්නේ මෙහෙම දෙයක්….

“මම ක්ෂේත්‍රයට ඇවිත් අවුරුදු 10කට වැඩියි. ඒ කාලේ ඇතුළත මම විවිධ විලාසිතා කරලා තියෙනවා. කොට ගවුම වගේම ඔසරියත් මට නුහුරු ඇඳුමක් නෙමෙයි. මම එකිනෙකට වෙනස් විලාසිතා කරන්න කැමති කෙනෙක්. සමහරු මගේ විලාසිතා වලට එකඟ වෙනවා. සමහරු එකඟ වෙන්නෙ නෑ. විවේචන එල්ල වුණා කියලා මම විලාසිතා කරන එක නවත්තන්නේ නෑ…..”

1

විලාසිතා කිරීම වගේම, ඒවා අගය කිරීම හෝ විවේචනය කිරීමත් පුද්ගලයකුගේ අයිතියක් නිසා එම අයිතියට ගරු කළත්, විවේචන හමුවේ තමන්ගේ ගමන කිසි විටෙකත් නතර නොකරන බව යුරේනි සිහිපත් කළා. ඇය සැම විටම සිනහවෙන්, විනෝදයෙන් කාලය ගත කරන්න උත්සාහ කරන තරුණියක්.

නිරුවත සහ කලාව ගැන යුරේනිට තිබුණේ මේ වගේ කියැවීමක්.

“ලංකාවේ නිරුවත කියන දේ දකින්නේ වෙනස් විදියට. බටහිර චිත්‍රපටවලත් අපි ඕනෑ තරම් නිරුවත දකිනවා. එතැනදි අපි දකින්නේ කලාවක්. නිළියක් නිරුවත් දර්ශනයකට පෙනී හිටියොත් ඒ රටවල ප්‍රේක්ෂකයන් කතා කරන්නේ චරිතයට කොතරම් සාධාරණයක් කරාද කියන එක ගැන. අපේ රටේ තමයි චරිතය ගැන කතා නොකර රඟපාපු කෙනා ගැන කතා කරන්නේ. කලාව කලාවක් විදියට නොදකිද්දී ඒ වගේ ප්‍රශ්න ඇති වෙනවා…..”

7

මේ දිනවල නම් ටෙලි නාට්‍ය හරහා යුරේනිගේ රංගනයන් අපි දකින්නේ නැහැ. නමුත් ඇය රංගනයෙන් දායක වුණු ටෙලි නාට්‍ය ගැන අදටත් බොහෝ ප්‍රේක්ෂකයන් කතාබහ කරනවා. නයිට් රයිඩර් චිත්‍රපටයෙන් පසුව (2017) යුරේනිව සිනමාව තුළිනුත් දැකගන්න අවස්ථාවක් ලැබුණේ නැහැ. වසර පහකට පසුව ඇය නැවතත් සිනමා නිර්මාණයකට රඟපෑමෙන් දායක වුණා කියලත් අපිට දැනගන්න ලැබුණා.

10

”2017 ට පස්සේ මේ අවුරුද්දේ මම ෆිල්ම් එකකට රංගනයෙන් සහභාගි වුණා. ”යාළුවෝද යාළුයිද” තමයි ෆිල්ම් එකේ නම. දැන් මාසකයකටත් වැඩියි ෆිල්ම් එකේ රූගත කිරීම් නිමා කළා. ඒක අනෙක් නිර්මාණ වලට වඩා ගොඩාක් වෙනස්. ඒ වගේම අලුත් ඩිරෙක්ටර් කෙනෙක්ගේ නිර්මාණයක්…. අලුත් දෙන්නෙක් තමයි ප්‍රධාන චරිත රඟපාන්නේ. මේ වෙනකන් ලංකාවේ රොමෑන්ටික් කොමඩි මූවි (romantic comedy) හැදිලා නැහැ. ඒ වගේම විලාසිතාවන්ට වැඩි බරක් දෙන නිර්මාණ කෙරිලා තියෙන්නේ අඩුවෙන්. මේ චිත්‍රපටයේ ඔය කියපු ලක්ෂණ හැම එකක්ම තියෙනවා. ලංකාවේ වාණිජමය සිනමාවේ වෙනස්ම සලකුණක් සටහන් කරන්න මේ ෆිල්ම් එකට හැකියාව තියෙනවා කියලා මම විශ්වාස කරනවා. විලාසිතාවලට හැමෝම කැමතියි. ඒ නිසා ලංකාවේ තරුණ පරපුර ආදරයෙන් ‘යාළුවෝද යාළුයිද’ එක්ක එකතු වෙයි කියලා මම හිතනවා. නුදුරේදීම චිත්‍රපටය තිරගත කිරීම ආරම්භ වෙයි කියලා බලාපොරොත්තුවෙන් ඉන්නවා. ”

9

මේ අතර යුරේනිගේ රංගනයෙන් හැඩවූ හෂේන් සිල්වාගේ කුලුඳුල් ගීත නිර්මාණය ‘නුඹවම වින්දා’ නමින් පසුගිය විසි හයවැනිදා එළිදැක්වුණා. යුරේනි සමග රංගන ශිල්පී කැළුම් ශ්‍රී මේ ගීතයේ රූප රචනාවට රංගනයෙන් දායක වෙනවා. මේ වන විටත් ගීතයට වගේම රූප රචනාවටත් ඉහළ ප්‍රතිචාර ලැබෙනවා.

4

විවාහය සහ ආදරය ගැන යුරේනි නොෂිකාට තිබුණේ ඒ වගේ අදහසක්…..

”ආදරය කරලාම විවාහ විය යුතුයි කියලා දෙයක් නැහැ. විවාහයෙන් පසුවත් ආදරය පටන් ගන්න පුළුවන් කියලා මම හිතනවා. සමහර අය ආදරය කරන්න පටන් ගන්නේ විවාහයෙන් පස්සේ. එහෙම ආදර කතා හරිම ශක්තිමත්. විවාහයට කලින් කතා බහ කරලා අඳුරගෙන හැම දේම ඉවර කළාම විවාහ ජීවිතේ බෝරින්ග් වගේ කියලා මට හිතෙනවා…”

8

ඇය ගැන කතා කරද්දි ”සාරි පොටේ” ගීතය මතක් නොකළොත් ලොකු අඩුවක්. වසර ගණනක් ගතවෙලත් අදටත් සාරි පොටේ ගැන රසිකයන්ට අමතක වෙලා නැහැ…..

13

ඉතින් මීට අවුරුදු කිහිපයකට කලින් සාරි පොටේ කට්ට ගහ ගන්න සහකාරයෙක් නෑ කියපු යුරේනිට දැන් සහකාරයෙක් මුණ ගැහිලද කියලා අපි අහපු ප්‍රශ්නෙට ලැබුණේ මේ වගේ උත්තරයක්…..

“ඇත්තටම දැන් නම් සාරි පොටේ කට්ට ගහගන්න කෙනෙක් හිටියා නම් හොඳයි කියලා මටත් හිතෙනවා. එහෙම කෙනෙක් ලැබෙන්න කියලා මම දෙවියන්ගෙන් ඉල්ලනවා. මටත් දැන් තනියෙන් ඉඳලා එපා වෙලා ඉන්නේ…. මේ ලෝකේ කිසිම මනුස්සයෙක් සර්ව සම්පූර්ණ නැහැ. ඒ නිසා මම ආදරය කරන්න සර්ව සම්පූර්ණ කෙනෙක් හොයන්නේ නැහැ. අවංකව වැඩ කරන තව කෙනෙක්ට ගරු කළ හැකි පුද්ගලයෙක් තමයි මම බලාපොරොත්තු වෙන්නේ. කම්මැලිකමෙන් ජීවත් වෙන කෙනෙක් නම් මට ගැළපෙන්නේ නැහැ. මාත් එක්ක සහයෝගයෙන් කටයුතු කරන්න පුළුවන් විදියේ කෙනෙක් මට ලැබෙන්න කියලා මම දෙවියන්ගෙන් ඉල්ලනවා….”

14
6
11
16



Leave a Reply

Your email address will not be published.