ළමා නිවේදිකාවක් විදියට කලාවට ආපු ඇය තමයි අභිෂේකා විමලවීර කියන්නේ. ඉතින් මේ වෙනකොටත් ගායිකාවක් විදියට මේ වන විට ප්‍රේක්ෂකයන්ගේ ආකර්ෂණය, ආදරය නොඅඩුව ලබාගෙන තිබෙනවා. මෑත කාලයේ අභිෂේකා ගැයූ ගීත ගණනාවක්ම ඉතා ජනප්‍රිය ගීත බවට පත් වෙලා තියෙනවා.

ඒ වගේම අභිෂේකා විනිසුරුවරියක් විදියට ”වොයිස්” වේදිකාව නියෝජනය කලා. ඒ සමබන්ධයෙන් ඇය ගැන ගොඩක් දෙනා කතා කරන්නට වුණා. අභිෂේකා විමලවීර මේ ගායන ශිල්පිනිය කියන්නේ සුනිල් විමලවීරයන්ගේ දියණිය කියලා බොහෝ දෙනා දන්නවා.

ඉතින් මේ වන විට විවාහ වෙලා දරුවෙකුත් ඉන්න ඇය ගත කරන්නේ සුන්දර පවුල් ජීවිතයක්. වෘත්තියෙන් ඉංජිනේරුවරයෙක් සමඟ විවාහ වී සිටින ඇය ඇගේ ආදරණීය සැමියා විවාහ කරදීම ගැන ඇය ඇගේ පියා ගැන කිව්වේ මේ වගේ අදහසක්……

”මට අවුරුදු 24 දි තමයි මම විවාහ වුණේ. ඒ වෙනකොට කැම්පස් එකේවත් ඉස්කෝලෙවත් කවුරුත්ම මගෙ යාලුවො විවාහ වෙලා හිටියෙ නෑ….. මට මොකද්ද වගේ. අනිත් අය විනෝද වෙනවා, ට්‍රිප් යනවා. මට ළමයෙකුත් ඉන්නවා කියලා මුල් කාලේ ප්‍රශ්නයක් වුණා…..

නමුත් මම දැන් හිතනවා මගේ ජීවිතේ ගැන තාත්තා ගත්ත හොදම තීරණය තමයි මාව අවුරුදු 24 දි විවාහ කරලා දුන්න එක. දැන් මට බබෙක් ඉන්නවා, එයත් ලොකුයි…. මම හිතන්නේ මගේ තාත්තා හොදම තීරණයක් ගත්තේ කියලා. හැමෝම තමන්ගේ තීරණ ගන්නේ හොදම දේ. මම හිතන්නේ තාත්තා යන්න කලින් මට හොදම කෙනාව හොයලා දීලා ගියේ කියලා…..”