සංගීත ක්ෂේත්‍රයට සම්බන්ධ කලා පවුලකින් කල එළි බැහැපු අපේ රටේ දක්ෂ ගායන ශිල්පිනියක් තමයි කවින්ද්‍යා අධිකාරි කියන්නේ. ඒ වගේම කවින්ද්‍යා නිවේදනයට වගේම රංගනයටත් ගොඩක් දක්ෂයි. ඇයගේ මව තමයි මුළු රටම හඳුනන ගායිකා සමිතා මුදුන්කොටුව. පියා තමයි රටම දන්නා අතුල අධිකාරි. මේ වෙනකොට අම්මා – තාත්තා වෙන්ව දිවිගෙවන කවින්ද්‍යා ජීවිතේ ගොඩක් දේවල් අත්විඳිමින් තමයි කාලය ගත කරන්නේ. ඉතින් ඇයට ඉන්න එකම සහෝදරයා ශාන් ගැනත් අමතක කර බෑ. පුංචි පවුල මේ විදියට දිවිගෙවන අතරේ කවින්ද්‍යා එක්ක කළ කතාබහක උපුටනයක් තමයි මේ.
ඉතින් කවින්ද්‍යා කොහොමද මොකද වෙන්නේ මේ දවස් වල ?
”මම නම් සුවෙන් ඉන්නවා. මේ දවස් වල විශේෂයෙන් කරන්න කියලා වැඩක් නෑ…. මොකද රටේ හැම තැනම ප්‍රශ්නනේ. විශේෂයෙන්ම තෙල් ප්‍රශ්නේ. ඒ දේවල් එක්ක හැම වැඩක්ම පස්සට ගිහින් තියෙන්නේ….. ඉතින් දැන් අම්මාගේ වැඩ වලට උදවු කරගෙන, පුළුවන් විදියට මේ දේවලුත් කරගෙන ඉන්නවා.”
කවීට තාමත් අම්මගේ ආදරේ අඩුවක් නැතුව ඉස්සර වගේම ලැබෙනවා ඇති නේද..?
”ඒක ඇත්ත… මොකද අම්මගේ ආදරේ නම් කවදාවත්ම අඩුවෙන්නේ නෑ. මගේ අම්මට මාව නැතුව විනාඩියක්වත් ඉන්න බෑ. මම විවාහ වුනත් අම්මට ඕන මාව ගෙදර තියාගන්න…. ”ඔයා නැතුව මම කොහොමද ඉන්නේ” කියලා අම්මා නිතරම අහනවා…. මගේ අම්මගේ ආදරේ දවසින් දවස වැඩි වෙනවා මිසක් කවදාවත් අඩුවෙන්නේ නෑ…”
දුවලා වැඩියෙන්ම ආදරේ තාත්තට කියනවා නේ, ඉතින් තාත්තා නැති අඩුව කාවින්ද්‍යාට දැනිලා නැද්ද?
”නැහැ මට ඒ අඩුව කවදාවත්ම දැනිලා නෑ. සාමාන්‍යයෙන් වෙන පවුල් වල අම්මලා තාත්තලා වෙන්වුනාම අම්මට හෝ තාත්තට වෛර කරන්න එකිනෙකා උගන්වනවා මම දැකලා තියෙනවා… මම දැන් ඉන්නේ මගේ අම්මා ළඟ, හැබැයි මට එයා කවදාවත් එකේම කරන්න උගන්වලා නෑ…. ඒ වගේම තමයි මට තාත්තා නෑ කියලා අම්මා කවදාවත් මට කිසිම අඩුවක් කලේ නෑ… මගේ අම්මා ගැන පොතක් තරමට දේවල් ලියන්න පුළුවන්. අම්මා තමයි මගේ ජීවිතයට ළඟම කෙනා… ඉතින් අම්මා තමයි තාත්තා ළඟ නැති අඩුවත් පුරවන්නේ” කියලා තමයි ඇය සඳහන් කරන්නේ.
කොහොම නමුත් පසුගිය කාලයේ කවින්ද්‍යාගේ මව සමිතා, ගැන බොහෝ දෙනා අතර කතාබහට ලක්වුණා.
ඒ ඇය තරුණයෙක් සමඟ යළිත් විවාහ වී ඇති බව සඳහන් කරමින්. ඔහු නමින් චිරන්ත ගුණවර්ධන.
කොහොම නමුත් මේ වන විට මේ පවුලම සතුටින් සාමයෙන් කල් ගතකරන බවයි අපිට දැනගන්න ලැබුණේ.
Source – Online Newspaper
Photos – Kavindya Adhikari’s fb account
- ” අම්මයි අප්පච්චි පුතේ කියනවා නම් හරි ආසයි ” – කාවිංග පෙරේරා
- ” ගෙවල් studio කුඩු කළාට මගේ talent එක නැතිකරන්න උන්ට බෑ ” – ඉරාජ් වීරරත්න
- ” පුබුදු එක්ක ගත කරන තත්ත්පරයත් මට මුළු ලෝකයක් වගේ ” – මාෂි
- ”අපි දෙන්නාව බන්දලා හුඟක් කල්” – පූජනී භාග්‍යා
- විවාහයෙන් පසු විදෙස්ගත වෙන්න සැරසෙන ශලනි තාරකා අවසන් තනිකඩ උපන්දිනය සමරපු හැටි (ඡායාරූප සහිතයි)
- නර්මදාගේ පළමු සැමියා ජනක්, දෙවන වරටත් පිය පදවියට සැරසෙයි (ඡායාරූප සහිතයි)
- ”අපොයි ආයේ දේශපාලනය කරන්න මගේ කිසිම අදහසක් නෑ” – ඉරාජ් වීරරත්න
- ”දැන් මට ෆාමසියකින් ග්ලව්ස් ඉල්ලන්නත් බයයි” – සචිනි අයේන්ද්‍රා
