උණුසුම් පුවත්
Search
ayesha smart

”ලංකාවෙන් ආපු එක වටිනවා කියලා අම්මත් කිව්වා” – බ්‍රිතාන්‍යයේ විනිසුරු පදවි ලැබූ නිරූපිකා, වෛද්‍ය අයේෂා

695

ශ්‍රී ලංකා සම්භවයක් සහිත නීතිඥවරියක වන 34 හැවිරිදි අයේෂා ස්මාර්ට් මහත්මියට එක්සත් රාජධානියේ ක්‍රවුන් අධිකරණයේ විනිසුරු පදවියක් හිමිව ඇත. අයේෂා මහත්මිය නීතිඥවරියක මෙන්ම වෘත්තියෙන් වෛද්‍යවරියක ද වේ. එපමණක් නොව ඇය නිරූපිකාවක ලෙස ද කටයුතු කරන්නියකි. ක්‍රවුන් අධිකරණයට පත්වූ සුදු ජාතික නොවන ළාබාලතම කාන්තාව ද ඇයයි.

එක්සත් රාජධානියේ මහේස්ත්‍රාත් අධිකරණයෙන් ඉදිරිපත් වන අභියාචනා ක්‍රවුන් අධිකරණයේ විභාග කරනු ලබයි.
ක්‍රවුන් අධිකරණයේ විනිසුරු ධුරය ලබා ගැනීමට ප්‍රථම විභාග දෙකකින් සමත් වීම අත්‍යවශ්‍ය කරුණකි. විභාග දෙකකින් සමත්වීම පමණක් ප්‍රමාණවත් නොවන අතර අවසානයේ රජතුමාගේ හෝ රැජිනගේ අනුමැතිය ලබාගැනීම ද අත්‍යවශ්‍ය වේ.

Female model Ayesha | Manchester, Liverpool

අයේෂා මහත්මිය 2014 වසරේ නිඩර් ඬේල් ප්‍රදේශයට පදිංචියට පැමිණ ඇත. අනතුරුව ඇය ලීඩ්ස් සරසවියෙන් වෛද්‍ය උපාධිය ලබාගෙන ඇත. යෝක්ෂයර් හි වෙසෙන අයේෂා ස්මාර්ට්, ඊසානදිග එංගලන්තයේ ක්‍රවුන් උසාවි වල විනිසුරුවරියක ලෙස පෙනී සිටීමට තෝරාගෙන ඇත. ඇය මේ පත්වීමෙන් අදහස් කරන්නේ කුමක්ද යන්න පිළිබඳව මෙසේ පැවසුවාය….

“මේ ජයග්‍රහණය ගැන ඇත්තටම මගේ පවුලේ අය වගේම මම ආඩම්බර වෙනවා. මට මතකයි මට පත්වීම ලැබුණු වෙලාවේ මගේ අම්මා ප්‍රකාශ කළා ඇයගේ පවුලේ අය ශ්‍රී ලංකාවෙන් එක්සත් රාජධානියට ගිය එක වටිනවා කියලා. මම මගේ ජීවිතයේ සහ වෘත්තීය ජීවිතය තුළ විවිධ අගතීන්ට මුහුණ දුන් කෙනෙක්, මං වර්ණභේද ප්‍රශ්න වලට මුහුණ දී තිබෙනවා. එසේම මා පිරිමි මෙන් සාර්ථක විය හැකි බව පෙන්වා තිබෙනවා.“

Ayesha Smart's photo portfolio - 0 albums and 27 photos | Model Mayhem

ස්මාර්ට් ඇයට වයස අවුරුදු 14 දී ඇගේ පවුලේ අය සමඟ හැරෝගේට් වෙත ගොස් ලීඩ්ස් විශ්ව විද්‍යාලයෙන් වෛද්‍ය විද්‍යාව පිළිබඳ ප්‍රථම උපාධියක් ලබා ගත්තාය. ඇය නීතිය වෙත යොමු වීමට පෙර හැරෝගේට් දිස්ත්‍රික් රෝහලේ රෝග විශේෂඥවරියක් ලෙස සේවය කළාය. ඇයට ශිෂ්‍යත්වයක් ලැබී 2014 දී උසාවියට කැඳවනු ලැබූ අතර, ඇය දැනට Exchange Chambers හි කොටසක් වන අපරාධ, නොසැලකිලිමත්කම සහ නියාමන නීතිය පිළිබඳ විශේෂඥවරියකි.

එමෙන්ම ඇය නිරූපිකාවක ලෙසද කටයුතු කර ඇත.

Ayesha Smart - Barrister - Exchange Chambers | LinkedIn