උණුසුම් පුවත්
Search
india ship

තවත් පෙට්‍රල් රැගත් නෞකාවක් දිවයිනට

62

මෙට්‍රික් ටොන් 35,000 ක පෙට්‍රල් රැගත් තවත් නෞකාවක් ඊයේ (11) රාත්‍රියේ කොළඹ වරායට ළඟා වී තිබෙනවා.

”නිව් ටෝල් වේ” නැමති එම නෞකාවේ අඩංගු ඉන්ධන ගොඩබෑම අද ආරම්භ කරන බවයි විදුලිබල හා බලශක්ති අමාත්‍ය කංචන විජේසේකර කියා සිටියා.

මේ අතර රට තුළ පැවති ඉන්ධන අර්බුදයට මේ වනවිට යම් සහනයක් ලැබී ඇති බැවින් බස්නාහිර පළාතේ ලියාපදිංචි වාහන සඳහා ආදායම් බලපත්‍ර නිකුත් කිරීම සතියේ වැඩ කරන සියලුම දිනයන් හි දී සිදුකිරීමට තීරණය කර තිබෙනවා.

මාලිගාවත්ත බස්නාහිර පළාත් මෝටර් රථ දෙපාර්තමේන්තුවේ ප්‍රධාන කාර්යාලයෙන් හෝ බස්නාහිර පළාතේ සියලුම ප්‍රාදේශීය ලේකම් කාර්යාල වලින් වාහන ආදායම් බලපත්‍ර ලබාගත හැකි බවයි අනුව පළාත් ප්‍රධාන ලේකම් ජයන්ති විජේතුංග කියා සිටියේ.

එමෙන්ම, මාර්ගගත ක්‍රමය ඔස්සේ ද ඊට පහසුකම් සළසා ඇති බව සඳහන්.

තවද, ජුනි 29 වැනිදා සිට කල්ඉකුත් වූ බස්නාහිර පළාතේ ලියාපදිංචි වාහන සඳහා මේ මස 31 වැනිදා දක්වා වාහන ආදායම් බලපත්‍ර නිකුත් කිරීමේ දී දඩ මුදල් අය නොකිරීමට ද තීරණය කර තිබෙනවා.

මේ අතර, අද (12) සහ හෙට (13) දිනවල පැයක කාලයක් විදුලි කප්පාදු කිරීමට විදුලිබල මණ්ඩලයට අවසර ලබාදුන් බව ශ්‍රී ලංකා මහජන උපයෝගීතා කොමිෂන් සභාව ප්‍රකාශ කළා.




Leave a Reply

Your email address will not be published.