සමගි ජන බලවේගයේ හිස් වූ ජාතික ලැයිස්තු මන්ත්රී ධුරය ලබාගැනීම සඳහා හිටපු පාර්ලිමේන්තු මන්ත්රීවරුන් වන සුජීව සේනසිංහ, නීතිඥ අජිත් පී. පෙරේරා සහ හිරුණිකා ප්රේමචන්ද්ර යන මහත්ම මහත්මීන් අතර දැඩි තරගයක් ඇති වී තිබෙන බවට වාර්තා වනවා.
මේ හේතුව නිසා සමගි ජන බලවේගයේ පක්ෂ අභ්යන්තරයේ ගැටළුකාරී තත්වයක් මතුව ඇති බවටයි තොරතුරු වාර්තා වන්නේ.
අමාත්යවරුන් වන හරින් ප්රනාන්දු සහ මනූෂ නානායක්කාර සමගි ජනබලවේගයෙන් නෙරපීමට එම පක්ෂය ගනු ලැබූ තීරණය නීත්යානුකූල බව ශ්රේෂ්ඨාධිකරණය තීරණය කිරීමත් සමගින් මෙතෙක් දවස් ජනාධිපතිවරණය වෙනුවෙන් සිදුකල යුතු වැඩකටයුතු ද පසෙක තබා මන්ත්රී ධුරය ලබා ගැනීමේ සටනක් ආරම්භ කර ඇති බවට දේශපාලන ආරංචි මාර්ග සදහන් කරනවා.
හිටපු අමාත්ය මනූෂ නානායක්කාර, ගාල්ල දිස්ත්රික්කය නියෝජනය කරමින් පාර්ලිමේන්තුවට තේරී පත්වූ අතර ඔහුගෙන් පුරප්පාඩු වූ ආසනය එම පක්ෂයේ ඊළඟට වැඩිම මනාප ලබාගත් බන්දුලාල් බණ්ඩාරිගොඩ හට හිමිව තිබෙනවා.
ජාතික ලැයිස්තුවෙන් තේරි පත්වූ හරීන් ප්රනාන්දුගේ පුරප්පාඩු වූ ආසනය වෙනුවට ඉහත නම් සඳහන් කළ හිටපු මන්ත්රීවරුන්ගේ සහ මන්ත්රීවරියගේ දැඩි තරඟකාරිත්වයක් ඇතිව තිබෙන බවත් එම ආසනය කෙසේ හෝ ලබාගැනීමට ඔවුන් තිදෙනාම උත්සහ කරමින් සිටින බවත් වාර්තා වනවා.
හිරුණිකා ප්රේමචන්ද්ර උසාවියෙන් වැරදිකරු වී අභියාචනාවක් ඉදිරිපත් කර නිදහස්ව සිටින නිසා ඇයට මෙම මන්ත්රී ආසනය ලබා නොදිය යුතු බවට සජිත් ප්රේමදාස හමුවේ දැඩි ස්වර්යෙන් ගිය වර ජනතාව ගෙදර යැවූ මෙම තරුණ හිටපු ඇමතිවරයා දිගින් දිගටම පක්ෂ නායකත්වයට පවසා ඇති බව දේශපාලන ආරංචි මාර්ග සඳහන් කරනවා.
මේ ගැටළුව දිගින් දිගටම ඉදිරියට ගියහොත් සමගි ජන බලවේගයට කොළඹ දිස්ත්රික්කයේ පැහැදිලි ඡන්ද අඩුවීමක් වනු ඇති බවට දේශපාලන ආරංචි මාර්ග සඳහන් කරනවා.
එය සමගි ජන බලවේගයේ පක්ෂ නායක මෙන්ම ජනාධිපති ධුර අපේක්ෂක සජිත් ප්රේමදාසගේ ඡන්ද පදනමට විශාල ලෙස බලපෑමට ඉඩ ඇති හෙයින් ඔහු මේ සම්බන්ධයෙන් දැඩි අපහසුතාවකට ලක්ව ඇති බව සඳහන් වනවා.
ඇතිව තිබෙන ගැටළුකාරි තත්වය හේතුවෙන් ජාතික ලැයිස්තු මන්ත්රී ධුරය සඳහා සමගි ජන බලවේගය තවමත් කිසිඳු තීරණයක් ගෙන නොමැති අතර ජාතික ලැයිස්තු මන්ත්රී ධුරය නම්කිරීම ප්රමාද කරමින් සිටින බව දක්නට තිබෙනවා.
