උණුසුම් පුවත්
Search
gold

ගත වූ මාස 10ට බිලියන 200ක රත්‍රං උකස් කරලා – පේරාදෙණියේ සමීක්ෂණයකින් හෙළිවෙයි

88

පේරාදෙණිය විශ්වවිද්‍යාලයේ ආර්ථික විද්‍යා හා සංඛ්‍යාලේඛන අධ්‍යයන අංශය විසින් සිදු කරන ලද සමීක්ෂණයකින් හෙළිව ඇති පරිදි ආසන්න මාස 10 ක කාලයේ ශ්‍රි ලංකාවේ රුපියල් බිලියන 200කට ආසන්න රන් භාන්ඩ උකස් කිරීම් සිදුව ඇත.

බලපත්‍රලාභී වාණිජ බැංකු 13ක් සහ උකස් මධ්‍යස්ථාන 10ක් සම්බන්ධයෙන් මෙම සමීක්ෂණය සිදු කර ඇත.

සමීක්‍ෂණයකට අනුව උකස් කළ රන් උකස් කිරීමට ප්‍රධාන හේතුව පවතින ආර්ථික අර්බුදය හේතුවෙන් එදිනෙදා වියදම් පියවා ගැනීමට මතුව තිබෙන දුෂ්කරතාවන්ය.

ප්‍රධාන මූල්‍ය ආයතන වෙත රන් උකස් කිරීම 2022 මුල් මාස 10 තුළ සිදුව ඇති අතර නිශ්චිතව රුපියල් බිලියන 193ක් උකස් කර ඇත.

පේරාදෙණිය විශ්වවිද්‍යාලයේ ආර්ථික විද්‍යා හා සංඛ්‍යාලේඛන අධ්‍යයන අංශ මහාචාර්ය වසන්ත අතුකෝරල පවසන පරිදි රත්‍රං උකස් කර ඇති බහුතරයක් මධ්‍යම පන්තියට අයත් අය බව ද උපයාගත් මුදල් වලින් වැඩිපුරම භාවිත වන්නේ කෘෂිකාර්මික කටයුතු සහ දරුවන්ගේ අධ්‍යාපන කටයුතු සඳහා බව ද හෙළිව ඇත.

පුද්ගලික උකස් මධ්‍යස්ථාන වැඩි මිලට ලබා දෙන බැවින් පාරිභෝගිකයින් එම සේවාව ලබා ගැනීමට ඒවා වෙත යොමු වීමට දැන් වැඩි වශයෙන් යොමු වී ඇති බව මහාචාර්ය අතුකෝරල මහතා වැඩිදුරටත් පැවසීය.