රාජ්‍ය අංශයේ සේවකයින් අතර වාර්ගික හා සංස්කෘතික සංහිඳියාව ප්‍රවර්ධනය කිරීම සඳහා නව්‍ය පියවර කිහිපයක් ගැනීමට අධිකරණ අමාත්‍යාංශය පසුගිය දා තීරණය කර තිබුණි.
ඒ අනුව සංහිඳියාව ප්‍රවර්ධනය කිරීමේ උත්සාහයක් ලෙස සියලුම රජයේ කාර්යාල වල එකවර චිත්‍රපට දර්ශනයක් පැවැත්වීම එවැනි එක් පියවරකි.
සංහිඳියාව තේමා කර ගත් චිත්‍රපටයක් පෙරවරු 9.30ට සියලුම පළාත්, දිස්ත්‍රික් සහ ප්‍රාදේශීය මට්ටමේ කාර්යාල වල ප්‍රදර්ශනය කළ යුතු බවට අමාත්‍යාංශය යෝජනා කර ඇත.
මෙම වැඩසටහන යටතේ තිරගත වන පළමු චිත්‍රපටය ‘ඉන්වික්ටස්’ Invictus(2009) වන අතර, නැසීගිය දකුණු අප්‍රිකානු ජනාධිපති නෙල්සන් මැන්ඩෙලා දකුණු අප්‍රිකානු රග්බි කපිතාන්වරයා සමඟ එක්ව වර්ණභේදවාදයේ පීඩනයට ලක්වූ ක්‍රීඩාවෙන් තම රට එක්සේසත් කිරීමට සහ ආර්ථික හා වාර්ගික භේදයෙන් මිදීමට දායක වූ ආකාරය පෙන්නුම් කරයි.
